Egide Sindayigaya yarapfuye ku munsi w’Imana apfiriye aho yari apfungiwe mu gasho k’inyamiramabi mu Rumonge. Yari umutama w’imyaka irenga mirongo itandatu, yari yaborejwe igufa kuva aho afatiwe itariki 16 Nzero, inyuma y’aho abajejwe umutekano bahejeje kugandagura murumuna we. Mu kiringo c’indwi zibiri, Egide Sindayigaya abaye umuntu wa gatatu apfiriye mu minwe y’igipolisi mu Rumonge. Babiri ba mbere bakaba bagandaguwe barashwe n’abo bapolisi nyene. Ayo mabi ngo abayakoze bazoteba bayakurikiranweko, nk’uko ishirahamwe FOCODE rigabisha.