Umukuru w’Igihugu Evariste Ndayishimiye amenyesha ko agiye gufuta amasezerano yateweko igikumu n’abategetsi b’imbere yiwe, amasezerano avuga ko atuma abategestsi bamwe bamwe banyonora amatungo ya leta. Ivyo akaba yabivugiye i Gitega ku munsi w’Imana, mw’ikoraniro ry’umugambwe CNDD-FDD. Urunani CFOR-ARUSHA ruhurikiyemwo imigambwe itavuga rumwe na leta rubona ko imvugo nziza za Evariste Ndayishimiye zidakurikirwa n’ibikorwa, zimaze kuruhisha Abarundi. Jean Bosco Rwigemera, icegera c’uwurongoye urunani CFOR-Arusha, avuga ko Abarundi bakeneye intwaro y’ibikorwa.