Ibihugu vya Buraya biriko vyitegurira gusohora ico bise « certificat vert ». Ni ukuvuga urupapuro ruzoha uburenganzira abari muri ivyo bihugu bakingiwe canke bakize ikiza ca Corona kugira ingendo muri uwo mugabane ata ntambamyi n’imwe. Ariko rero ngo iyo ngingo ishobora gutuma ibindi bice vyo kw’isi, na cane cane ibihugu vya Afrika biri inyuma mu gukingira abanyagihugu bavyo, bikumirwa kurusha. Ayo makenga akaba ari aya Come Konakuze, umuhinga w’ingwara z’ivyaduka.