Ibanki nkuru y’igihugu BRB yarafashe ingingo y’uko igiye kumanura urugero rw’iduga ry’ibiciro gushika ku bice 8%. Ivyo ni ivyashikirijwe n’umuyobozi w’iyo banki Edouard Normand Bigendako, mu nama yagiranye ku munsi wa gatanu uheze n’abakora mu gisata c’amabanki. Akavuga ko urwo rugero rwahora ku bice 16% mu gice ca mbere c’uno mwaka. Na yo igiciro mfatiro c’ibice 12% amabanki asabwa kugira ashobore kuronswa amafaranga mw’Ibanki nkuru y’igihugu nticahindutse mu ntumbero yo kworohereza amabanki.