Birababaje kubona umukuru w’igihugu Evariste Ndayishimiye avuga ko abantu banyuruzwa bakaburwa irengero ari abicanyi kandi batigera bashirwa imbere y’intahe. Bivugwa n’umushingamateka Agathon Rwasa, arongoye umugambwe CNL utavuga rumwe n’ubutegetsi. Evariste Ndayishimiye akaba yari yashikirije ayo majambo mu kiganiro yagiranye n’abamenyeshamakuru b’iradiyo y’abafaransa RFI mu ndwi iheze. Agathon Rwasa akabona ko gukoresha ayo majambo ari gushinyagurira imiryango yabuze ababo banyurujwe bakaburwa irengero.