Uwurongoye ishirahamwe HCR kw’isi yarabonanye ku munsi wa kane n’impunzi z’Abarundi n’Abacongomani bo mw’ikambi y’i Nyarugusu muri Tanzaniya. Bakaba baramushikirije ibibazo bitari bike, harimwo ugushobora gusubira kwugurura amasoko, no kugendesha amapikipiki n’amakinga. Filippo Grandi akaba yabemereye gushikiriza ivyo bibazo vyabo abategetsi ba Tanzaniya, akaba yiyemeje no kubishigikira kugira bironke inyishu nziza.