Leta yaraye ishikirijwe ibigo vy’amashure St Albert na St Gabriel. Aho hari mu mpera z’indwi iheze, aho hari haheze umwaka ubuyobozi bw’ivyo bigo busabwe kwitegura kwimukira ahandi. Ayo mashure rero ari muri zone Ngagara, komine Ntahangwa mu gisagara ca Bujumbura, akaba ubu yegukiye ubushikiranganji bw’Indero, nk’uko vyamenyeshejwe na Jean Pierre Gatore, umuyobozi mukuru w’ikigo kijejwe gutunganya ibisagara, uburaro n’inyubako, OBUHA.