Amashirahamwe yigenga acungera umutekano bita Gardiennage ategerezwa gufata abakozi bayo neza nk’uko amategeko yo mu Burundi abitegekanya. Vyasabwe na Colonel de Police Jérôme Maniraho, ajejwe gukwirikirana amashirahamwe yigenga mu bushikiranganji bw’Intwaro yo hagati mu gihugu. Hari mu nama ubwo bushikiranganji bwagirishije ayo mashirahamwe kuri uyu wa kane igenekerezo rya 22 Kigarama umwaka w’2022. Kurihira abo bakozi muri INSS hamwe no kubavuza ni zimwe mu ngingo zitegerezwa gufatwa n’abakoresha babo.