Imanza zitari bwacibwe n’umurwi ujejwe gutatura amatati y’amatongo n’ayandi matungo (CNTB) zigiye gukorwa na Sentare idasanzwe ijejwe amatongo n’ayandi matungo. Ni ivyashikirijwe Domine Banyankimbona, umushikiranganji w’Ubutungane. Hari kuri uyu wa kane mu gikorwa co guhanahana ayo madosiye atari bwaherahezwe cabaye hagati y’ubwo bushikiranganji hamwe n’umurwi CNTB warangije ikiringo cawo. Domine Banyankimbona akaba yasavye abanyagihugu gushira icizere muri iyo sentare idasanzwe, nk’uko bahora bizeye umurwi CNTB.