Mu mubonano yagize n’abanywanyi b’umugambwe CNL kuri uyu w’Imana uheze muri komine Rugombo iri mu ntara ya Cibitoke, umukuru w’uwo mugambwe Agathon Rwasa yarasubiriye kwiyamiriza iburabuzwa ridahengeshanya gukorerwa abanywanyi b’uwo mugambwe muri rusangi. Agahamagarira abategetsi b’Uburundi babijejwe gukora ibishoboka kugira batuze uwo wese abiba urwanko canke acanishamwo imigambwe, hakurikijwe amategeko.