Amafaranga ashika 148,000,000 y’amarundi ni yo amaze kugarukanwa mu kigega ca leta n’abantu 21 bari barayanyuruje. Bimenyeshwa n’umushikiranganji w’Abakozi ba leta, Venuste Muyabaga. Kuri uyu wa gatatu yahaye ikiganiro abamenyeshamakuru ashikiriza aho bagejeje isekeza ryo kugarura amafaranga ya leta yibwe biciye mu guhemba abakozi badakora. Venuste Muyabaga akagabisha abantu bose bivye leta muri ubwo buryo ko uwutazoba arishikana mu kiringo c’indwi zibiri hazoca hakoreshwa inguvu.
Amakuru
20 juin 2024
