Muri Etiyopiya, inyuma y’umwaka urenga hatanguye intambara hagati y’abasirikare ba leta n’abarwanya leta mu buraruko bw’ico gihugu, intambara ziriko ziregereza umurwa mukuru Addis-Abeba. Mu ntumbero yo guhangana n’abo bamurwanya, Abiy Ahmed yamenyesheje kuri uyu wa kabiri ko agiye kwigira ku rubuga rw’intambara. Ivyo biri uko mu gihe ibihugu vya Buraya na Amerika bitanguye gusaba abanyagihugu bavyo kwihutira kuva muri ico gihugu.