Abantu batatu nibo bamenyekanye ko bagandaguwe, abandi batatu baranyuruzwa, n’ayandi mabi ajanye n’ihonyangwa ry’agateka ka zina muntu. Ivyo biri mu cegeranyo c’umuhari Ligue Iteka uharanira agateka ka zina muntu co kuva ku wa 8 gushika ku wa 13 Ruhuhuma 2021. Ayo mabi akaba akorwa na zimwe mu mbonerakure hamwe na bamwe mu bajejwe umutekano. Umuhari Ligue Iteka, ubicishije ku cegera c’uwuyirongoye Emmanuel Nibizi, usaba ko ubutungane bukora, abakora ayo mabi bagahanwa.