Igisata c’amahinguriro mu Burundi ngo kiracari inyuma cane ugereranije n’ibindi bihugu vyo mu karere ka Afrika y’ubuseruko. Intambamyi nyinshi zibonekeza muri co gisata zifatiye ku bukene nko kubura imitahe ku badandaza, hamwe no kubura ubuhinga buteye imbere. Kubwa Faustin Ndikumana, umuhinga yigenga mu vy’ubutunzi, Leta ikwiye gushira mu ngiro uburyo bwo kwigisha, ikongera igasigurira neza abanyagihugu ibijanye n’amahinguriro.