Igipolisi c’Uburundi careretse abamenyeshamakuru kuri uyu wa kabiri, umugabo kivugako arondera Abarundi binjira mu muhari urwanya leta RED-Tabara. Ku bwa Pierre Nkurikiye, umuvugizi w’ubushikiranganji bw’Umutekano, abo baba binjiye muri iyo mirwi, ntibaheza ngo bagaruke mu miryango yabo. Akavuga ko abo ari bo abaharanira agateka ka zina muntu n’abanyepolitike bamwe bamwe birirwa baratabariza ngo babuzwe irengero.