Uwahoze ari umukuru w’igihugu Petero Buyoya asigiye iragi ryiza abarundi bose. Kubwa Domisiyano Ndayizeye yahoze arongoye igihugu c’Uburundi, ngo azohora yibuka Petero Buyoya nk’intwari yagwaniye igihugu c’Uburundi na Afrika yose. Ati Petero Buyoya yaragarukanye amahoro mu Burundi biciye mu masezerano y’i Arusha yo mu mwaka wa 2000, yongera arakorana n’ubumwe bwa Afrika mu kugerageza kugarukana amahoro mu gihugu ca Mali.