Leta y’Uburundi yategerezwa kurarika abanyagihugu bose kwitabira urucanco rwa Corona, kuko incanco zose muri kino gihe zemejwe n’ishirahamwe mpuzamakungu ry’amagara y’abantu OMS. Ni akamo gaterwa na Come Konakuze, umuhinga mu bijanye n’ingwara z’ibiza. Ku makenga y’abategetsi b’Uburundi mu bijanye n’incanco, Come Konakuze asaba umushikiranganji w’Amagara y’abantu ko yokwikora ku bahinga bo muri ubwo bushikiranganji kugira bagire ubushakashatsi kuri izo nkingo, maze baheze bajijure leta ikingire abanyagihugu.