Ibikenewe vyose vyarashizwe mu buryo kugira agateka ka zina muntu gakingirwe mu Burundi. Ivyo vyemejwe n’umukuru w’igihugu ku munsi wa kane. Evariste Ndayishimiye yariko avugira imbere ya bose y’inama mpuzamakungu ONU i New York. Ariko rero ejo nyene i Genève, umurwi wa ONU ujejwe amatohoza ku Burundi wariko utanga icegeranyo c’amatohoza yo yerekana ko ibintu vyayangaye mu Burundi. Uwo murwi werekana ko ihonyangwa ry’agateka ka zina muntu kabandanya.