Umupolisi Hassan Nimubona batazira Love arakekwa ko afise uruhara mw’iburwa irengero ry’abantu bagera kuri 5. Bivugwa na Pacifique Nininahazwe, arongoye ishirahamwe FOCODE, asanzwe agira amatohoza ku bantu banyuruzwa mu Burundi. Pacifique Nininahazwe avuga ko atangazwa n’ukuntu uwo mupolisi ahura n’abantu mu nyuma bagafatwa n’urwego rw’iperereza, bakanaburwa irengero ariko we ntibigere bamufata. Ishirahamwe FOCODE riboneyeho n’akaryo ko gusaba Leta y’Uburundi guhana abo bose bakora ico caha.