Uburundi burakwiye kugabanya amatagisi atozwa ku mipaka kubera Corona, kugira abadandaza bashobore kworoherwa ku kazi bakora. Ibi ni ibisabwa n’ishirahamwe ry‘abadandaza b’Abarundi ACOBU. Bakaba babishikirije mu nama yabahuje bari kumwe n’abagwizatunga bahurikiye mw’ishirahamwe East Africa Business Council. Antoine Muzaneza, aserukira ishirahamwe ry’abadandaza b’Abarundi agasaba abo yaserukiye gukora ibishoboka kugira baje ku rugero rumwe n’abadandaza bo mu bindi bihugu vyo muri aka karere.