Uburenganzira bwo gushinga amashirahamwe, gutunganya amanama, be no gushikiriza ivyiyumviro, ni uburenganzira bugize umwidegemvyo mu gihugu, ibifasha umunyagihugu mw’itunganywa ry’ibimuraba. Kumenyesha abanyagihugu ubwo burenganzira niyo mvo yatumye urunani rw’amashirahamwe aharanira agateka ka zina muntu (CBDDH) rutanguza kuri uyu wa 24 Myandagaro 2021 isekeza ryo guharanira umwidegemvyo mu gihugu. Ku bwa Eulalie Nibizi, umuyobozi nshingwabikorwa w’urwo runani, intumbero y’iryo sekeza ni ugutuma abanyagihugu bamenya uburenganzira bwabo.