Ubwicanyi bwimonogoje i Muyinga buraraje ishinga abanyepolitike batavuga rumwe na leta. Akarorero ni Frédéric Bamvuginyumvira, yahoze ari icegera c’umukuru w’igihugu, akaba ari n’imvukira yo muri iyo ntara. Ahamagarira ubutegetsi kwerekana ko atari bwo buri inyuma y’ayo mabi, akabugabisha ko bitabaye uko, buzoshengezwa imbere y’ubutungane. Kubwa Frédéric Bamvuginyumvira, ngo kubona abajejwe intwaro ataco babikorako, vyoba vyerekana ko batazi ico bajejwe.