Oscar Nahimana, icegera c’umukuru w’umurwi utunganya amatora muri komine ya Kirundo, yarabuzwe irengero mw’ijoro ryo ku wa 28 Nyakanga 2020. Amakuru ava ku babibonye, avuga ko yatwawe mu modoka  ya Abel Ahishakiye,  umukuru w’imbonerakure zo mu Kirundo.  Ivyo biri mu matohoza y’ishirahamwe FOCODE mu mugambi waryo NDONDEZA.  Pacifique Nininahazwe, arongoye FOCODE, akavuga ko umuryango  wamaze kwihebura kubera uwabo  yabuzwe irengero, agasaba ko amatohoza  yokorwa.