Uwurongoye urunani CFOR-Arusha ruhurikiyemwo abanyepolitike batavuga rumwe na leta arababazwa n’ingene abategetsi b’uno munsi batatahuye amabi yakozwe n’izindi ntwaro kugira batwarire neza Abarundi mu kwirinda ugukumirana. Yishura ku majambo y’uwurongoye umurwi CVR avuga ko ubutungane butuzuriza bose bukwega intambara. Frédéric Bamvuginyumvira, arongoye CFOR-Arusha, amenyesha ko ivyahitiye biguma vyisubiriza, ivyo bikazotuma Uburundi bukira butevye indyane bwamamwo. Ku bwiwe, Uburundi bukeneye indongozi zitwarira Abarundi zitaravye ubwoko, imigambwe canke intara.
Amakuru
21 mars 2023
