Abajejwe gutunganya impapuro z’ingendo passeports ngo bari bakwiye gukora ibiharuro bikwiye kugira ngo izo mpapuro zame zibonekera ku gihe. Ako ni akagohe umukuru w’igihugu Evariste Ndayishimiye yavuniye abo bajejwe gutunganya izo mpapuro. Hari mu gihe umushikiranganji w’Intwaro yo hagati mu gihugu yamenyesheje ko izo mpapuro zigiye kuboneka muri uku kwezi kwa Nzero. Bikaba vyavuzwe mu kiganiro umukuru w’Igihugu yagiranye n’abamenyeshamakuru hamwe n’abanyagihugu mu Kirundo ku munsi wa gatanu w’indwi iheze.