Leta y’Urwanda yarakiriye ku munsi wa mbere intumwa zivuye mu Burundi zizanywe n’ugusaba impunzi z’Abarundi gutahuka mu gihugu c’amavukiro. André Ndayambaje, umunyamabanga ntayegayezwa mu bushikiranganji bw’Intwaro yo hagati mu gihugu, ni we yari arongoye izo ntumwa. Muri izo ntumwa harimwo ba buramatari b’intara zihana urubibe n’ico gihugu, ab’intara za Kirundo na Kayanza hamwe n’uwurongoye intara ya Bururi.