Ubutunzi bw’Uburundi ngo bwarakozweko cane n’ikiza ca Corona hamwe n’ingwano iri hagati y’ibihugu vy’Uburusiya na Ukraine. Ivyo ni ibivugwa na Colonel Pierre Claver Nzisabira, umunyamabanga ntayegayezwa w’Inama y’igihugu y’umutekano , akaba yabivuze inyuma y’aho iyo nama ikoraniye ku munsi wa mbere, irongowe n’umukuru w’Igihugu Evariste Ndayishimiye. Colonel Pierre Claver Nzisabira akaba yarahamagariye Abarundi gufata neza umwimbu baronse kugira bashobore kwirinda inzara iriko iribonekeza mu bindi bihugu vyo mu karere.