Kwoba ari ukwihenda kwibaza ko abaherutse gutorwa n’Inama nshingamateka ngo baje mu murwi CVR hari ico bazohindura. Bivugwa na Frédéric Bamvuginyumvira, arongoye urunani CFOR-Arusha rutavuga rumwe n’ubutegetsi. Abona ko abo baherutse gutorwa bazokwirikiza intumbero y’umugambwe CNDD-FDD nk’uko abo bazoba basubiriye bari basanzwe babikora. Bamvuginyumvira agahanura Abarundi ko bari bakwiye kumenya ko icobakiza ari ukwubaka igihugu kimwe ubwoko bwose bwiyumvamwo.