Hariho amashirahamwe ngo atazi ko abwirizwa kuriha ikori ku mishahara y’abakozi. Vyaneguwe kuri uyu wa kane na Stany Ngendakumana, umuvugizi w’Ikigo kijejwe kwegeranya amakori n’amatagisi (OBR). Hakaba hari mu nama yahuje ico kigo n’amashirahamwe mpuzamakungu n’ayo mu gihugu. Stany Ngendakumana agasaba kandi ayo mashirahamwe gutanga ivya nkenerwa kugira habe umuco mu vyerekeye gupanga amazu.