Kwongera ikiringo c’iminsi 10 abatunze amapikipiki, amakinga na tukutuku ngo bazobe bazandikishije sivyo vyari bikenewe. Bivugwa n’umushingwamanza Janvier Bigirimana, umunyamabanga mukuru w’ishirahamwe FOCODE. Ku bwiwe, leta yari ikwiye guhagarika irya ngingo ibuza amapikipiki, amakinga na tukutuku gushika mu gisagara ca Bujumbura. Janvier Bigirimana yongera akavuga ko ba nyene ivyo vyuma bemerewe kubishira mw’ibarabara ari uko vyamaze kwandikwa.