Umuhari w’abakenyezi bahurikiye mu mugambwe MSD urasaba ushimitse umukuru w’Igihugu ca Tanzaniya gukoresha ububasha afise agahagarika amabi avanze n’ubwicanyi bikorerwa impunzi z’Abarundi, zahungiye mu gihugu arongoye kuva mu mwaka w’2015. Mw’ikete uwo muhari warungikiye kuri uyu wa kabiri Samia Suluhu Hassan, arongoye igihugu ca Tanzaniya, abo bakenyezi bamuhamagarira kandi kwerekana uruhara rwiwe nk’umukenyezi, mu gukingira agateka k’impunzi z’Abarundi, zidasiba gukorerwa amabi n’abo arongoye. Kurikira Jeanne Sindabokoka, kw’izina ry’uwo muhari w’abakenyezi bahurikiye mu mugambwe MSD.